Thursday, December 18, 2008

Okurvaxtastefna og spilling í bankakerfinu er ekki okkur að kenna.

(af vef http://vald.org]

Hvað segir það um okkur sem manneskjur og hvers konar félagslegt réttlæti er það að gera þúsundir einstaklinga sem skulda verðtryggð lán eignalausa á einni svipstundu. Og stela þannig afrakstri margra ára vinnu af þessu fólki? Þetta er gert á sama tíma og varla er hróflað við þeim sem rústuðu öllu kerfinu. Fólkið sem á undanförnum árum hefur verið að kaupa allt of dýrt húsnæði – þökk sé m.a. verðtryggingunni sem stórhækkar allt fasteignaverð — og hefur unnið myrkranna á milli, á enga sök á gengisfellingum, okurvaxtastefnu eða spillingu í bankakerfinu. Nú á að leysa efnahagsvandan m.a. með því að leiða þennan hóp í sláturhús.
....
Framtíð Íslands er ekki björt ef yngsta kynslóð húsnæðiskaupenda verður látin taka á sig stærri skell en aðrir. Réttlát reiði eitrar þá út frá sér í samfélaginu og mikill landsflótti liggur í loftinu. Eru stjórnmálamenn landsins virkilega svo kaldrifjaðir að þeir láti þetta gerast eða eru þeir bara steinrunnin nátttröll sem stara út í tómið. Það verður að afnema verðtrygginguna strax.
...
meira sjá http://vald.org

Wednesday, December 17, 2008

Húsnæði á Íslandi verðmetið á 40–50% af upphæð áhvílandi lána eftir ca. eitt ár.

Eftir ca 24 mánuði munum við sjá að 70% af öllu húsnæði á íslandi verður verðmetið á ca 40 til 50% af upphæð áhvílandi lána.

Sjá bloggsíðu Vésteins Gauta

Sunday, December 14, 2008

Af hverju er ekki virkur húsaleigumarkaður á Íslandi eins og á hinum Norðurlöndunum?

Af hverju þarf ungt fólk sem stofnar fjölskyldu að byrja á því að skuldbinda sig til íbúðakaupa og vinna síðan ótæpilega á meðan börnin eru lítil og þurfa á foreldrum sínum óþreyttum að halda?

Af hverju er ekki virkur húsaleigumarkaður á Íslandi eins og á hinum Norðurlöndunum?
Séreignastefnan hér á landi var undirritað samkomulag á milli ríkisvaldsins og verkalýðshreyfingarinnar. Ákveðið var að allir eiga að kaupa íbúð. Líka sá hluti launafólks, sem margt ræður ekki við íbúðakaup, þ.e. ef eitthvað kemur uppá: veikindi, flutningur á milli landshluta, aðrar breytingar og á aldrei varasjóði til að grípa í.
Margir einstaklingar fara í gjaldþrot, bara vegna þess að þeir réðu ekki við að kaupa íbúð.

Sannleikurinn um verðtryggingu lána á mannamáli

Magnús Þór í Silfri Egils með frábærar skýringar á verðtryggingunni. (Rúv, sunnudagur 14.des–úrklippa af bloggi Láru Hönnu).

Sunday, December 07, 2008

Verkalýðshreyfingin vill viðhalda verðtryggingu lána

Verkalýðshreyfingin vill viðhalda verðtryggingu lána til að lífeyrissjóðirnir haldi verðgildi sínu.
Nú er verið að etja hagsmunum gamla fólksins, sem fær lífeyri sinn úr sjóðunum, á móti unga fólkinu, sem þarf lán til að koma þaki yfir höfuðið.
Fyrir unga fólkið eru verkalýðsfélögin orlofshúsaleigumiðlun. Ungt fólk greiðir lögbundin félagsgjöld í verkalýðsfélög nema búið sé að hrekja það í verktöku. Ótrúlega há prósenta af öllum launum í landinu fara til lífeyrissjóðanna og verkalýðsfélaganna.

Lausn verkalýðsleiðtoganna er að aðild að Efnahagsbandalagi Evrópu muni bjarga okkur frá verðtryggingunni.
Verkalýðshreyfingin er ekki lýðræðisleg hreyfing. Þegar forseti ASÍ lýsir því yfir að ASÍ vilja fara í ESB er hann að segja fólkinu að það viti ekkert, þurfi ekki upplýsingar og eigi að elta ASÍ sem eltir Samfylkinguna.

Leiðtogarnir eru hámenntaðir og kerfið sem þeir styðja heldur þeim við völd (á háum launum). Og ef Ísland fer í Evrópusambandið þá verða verkalýðsforingjarnir á enn fleiri fundum erlendis og það virðist vera það sem allir sækja í.

Af hverju pössuðu stjórnarmenn í lífeyrissjóðunum ekki betur upp á peningana okkar? Af hverju eigum við að treysta þessum sömu mönnum fyrir sjóðunum okkar?

Wednesday, December 03, 2008

Þú græðir ef þú hættir að borga?

Frábær lýsing á því hvað gerist ef þú hættir að borga verðtryggða lánið.

í Kastljósi hér

Valdið liggur hjá skuldurum

Uppreisn gegn lánardrottnum
[jonas.is]
Guðmundur Ólafsson hagfræðingur reyndist sannspár um hrunið. Einn af mörgum, sem ekki var hlustað á. Nú ráðleggur hann skuldugum að spyrna við fótum. "Það er fráleitt að halda áfram að borga", segir hann í viðtali við DV í dag. Vegna verðtryggingar er 18 milljóna lán komið upp í 24 milljónir króna. Fólk hefur ekkert gert til að verðskulda slíkt. Guðmundur bendir í blaðinu á leiðir til að hætta að borga af lánum, sem fyrirsjáanlega sliga fólk. Fólk á að leggja peninga sína inn á reikning í stað þess að borga Íbúðalánasjóði eða banka. Fólk lifir ekki nema það geri fjárhagslega uppreisn gegn kerfinu.

Hættið að borga af lánunum
[dv.is]

„Það er fráleitt að halda áfram að borga,“ segir Guðmundur Ólafsson hagfræðingur um stöðu þess fólks sem á í greiðsluerfiðleikum vegna húsnæðislána. Hann segir að fólk eigi í öllu tilliti að fara til skuldareigandans, oftast Íbúðalánasjóðs eða bankanna, og spyrja þá hvað sé til ráða þegar fólk ræður ekki við greiðslurnar.

Guðmundur segir að allur sá fjöldi fólks sem er í þessum sporum eigi aðeins einn kost. „Hann er þá að segja einfaldlega; „Við borgum ekki“ enda er ekkert annað í boði. Það segir sig sjálft,“ segir hann.

Í DV í dag kemur fram hvernig hægt er að hætta að borga af lánum, sem munu fyrirsjáanlega sliga mann, og safna peningunum í staðinn inn á reikning. Íbúðalánasjóður getur ekki gengið að fénu og því getur fólk notað féð til að koma undir sig fótunum á ný, til dæmis á leigumarkaði. Þetta hefur þó sína ókosti, en enga umfram þá sem mæta fólki þegar það loksins fer í þrot vegna lánanna.

Verðtrygging húsnæðislána gerir það að verkum að sá sem tók 18 milljóna króna lán í fyrra stendur frammi fyrir því undir lok næsta árs að skulda 24 milljónir króna, þrátt fyrir að hafa ekkert gert rangt. Því hefur hópur fólks ákveðið að hætta að borga af lánunum, í ljósi þess að verðtryggingin sé bæði í senn sligandi og óréttlát.

Sjá nánar í DV-pappírsútgáfu
------
Sjá einnig grein Sverrir Jakobssonar [úrdráttur]:

Íslenskt hagkerfi stendur og fellur með því að almenningur greiði skuldir sínar og fari ekki í gjaldþrot

Hagkerfi sem leyfir verðtryggingu lána getur ekki talist frjálst eða á nokkurn hátt eðlilegt.

Verðtryggingin er böl
[af vald.org]
Vaxtaþrælar

Hagkerfi sem leyfir verðtryggingu lána getur ekki talist frjálst eða á nokkurn hátt eðlilegt. Eins og alltaf þegar menn búa til annarlegar lausnir þá láta slæmar afleiðingar ekki á sér standa.

Verðtryggingin átti stóran þátt í að fasteignaverð hækkaði allt of ört árum saman. Verðtryggingin gerði bankakerfinu kleift að spila með gengi íslensku krónunnar fyrr á þessu ári. Þetta glæpsamlega hringl með krónuna gróf undan trausti landsins á erlendum peningamörkuðum og átti sinn þátt í að kerfið loks hrundi.

..........

Verðtryggingin er byggð á röngum forsendum vegna þess að hún kemur í veg fyrir að framboð og eftirspurn lækki eða hækki vexti þegar það á að gerast. Hún felur raunverulegan kostnað og eykur greiðslubyrðina þegar spurt er að leikslokum. Þetta er auglýst sem eitthvað gustukaverk en þjónar aðeins okurlánurum.

Tuesday, December 02, 2008

Íslenskt hagkerfi stendur og fellur með því að almenningur greiði skuldir sínar og fari ekki í gjaldþrot

Í Fréttablaðinu í dag, þriðjudaginn 2.desember lýsir Sverrir Jakobsson á mannamáli því um hvað málið snýst:

[bls. 16—úrdráttur–greinarskil bloggara]
  • Þenslu fjármálakerfisins fylgdi svo önnur bóla; þensla íbúðaverðs sem af séríslenskum aðstæðum varð einkum á höfuðborgarsvæðinu. Undir hana var ýtt af fjármálastofnunum sem vildu sölsa undir sig þessa starfsemi og fjármagna þar með enn meiri útrás. Stjórnmálamenn ýttu undir þensluna með loforðum um hærri lán til fasteignakaupa sem höfðu í för með sér offjárfestingar í húsnæði.

  • Íslensk heimili urðu skuldsettari en þekkist víðast hvar annars staðar og þunginn af kreppunni fellur nú einkum á heimilin.

  • Samt eru úrræði stjórnvalda nú á krepputímum þau sömu og á fyrri þenslutímum - að hækka vexti á skuldsetta þjóð.

  • Undir eðlilegum kringumstæðum ættu slíkar ráðstafanir að leiða til fjöldagjaldþrota en ríkisvaldið mun ekki leyfa það; gangvirki íslensks efnahagslífs hvílir á þeirri forsendu að fólk borgi skuldir sínar og í því skyni má fresta greiðslum og grípa til allra mögulegra ráðstafana annarra en að lækka vexti eða setja fólk á hausinn.

  • Íslenskt hagkerfi stendur og fellur með því að almenningur greiði skuldir sínar þó að einkabönkunum hafi verið leyft að fara í gjaldþrot, fá nýjar kennitölur og vera lausir allra mála.



Sunday, November 30, 2008

Hvaða heilvita fólki dettur í hug að bjóða fólki lán til 70 ára?

Ætlar samfylkingarfólk að nota verðtrygginguna sem ástæðu til inngöngu í ESB?

Það er ekki eina leiðin til að losna við verðtryggingu að ganga í ESB!
Þegar kosið verður um aðild að ESB þá verður það gert á málefnalegum grunni og eftir upplýsta umræðu með þjóðarinnar!

Verðtryggingu þarf að afnema núna! ESB er annað og stærra mál sem við afgreiðum fyrr en síðar með þjóðaratkvæðagreiðslu!

Hvaða heilvita fólki dettur í hug að bjóða fólki lán til 70 ára? Þetta er ekki lausn heldur ÁÞJÁN!

Thursday, November 27, 2008

Grautarhugsun ASÍ

Gylfi forseti ASÍ sagði í morgunútvarpi (27.nóv) að ef hætt yrði við verðtrygginguna þá væri það eins og að henda hitamælunum þegar gengi farsótt!
Þetta var frekar slappt hjá Gylfa, frekar ætti líkingin að vera þannig að hent væri meðalinu (verðtrygging) sem sannanlega hjálpaði sjúklingnum (fólk, lánveitendur og lántakendur)!
Verðtrygging = lyf
En gallinn er bara sá að meðalið er bara gefið sumum en ekki öllum.
Meðalið er gefið peningasjóðunum í bönkunum en ekki lántakendum.
Segja má að lántakendur einir borgi lyfið ofaní hina en fá ekkert í staðinn, enga lækningu, bara lengingu í hengingarólinni.

Wednesday, November 26, 2008

Taktu frá pening fyrir mat áður en þú semur við lánadrottna

Ef þú getur ekki greitt af verðtryggðum lánum (eða myntkörfulánum) athugaðu að fjölskyldan þarf að borða, taktu frá pening fyrir mat.

(vald.org um nýjasta útspil stjórnvalda til hjálpar heimilum)

Annað hvort skilur Félags- og byggingamálanefnd Alþingis ekki eðli fasteignalána eða hún er staðráðin í að koma sér upp stétt Íslendinga sem eyðir öllum fullorðinsárunum í vaxtaþrældómi. Starfsmenn nefndarinnar hafa nú bæst í stóra hjörð embættismanna sem á að segja af sér vegna vankunnáttu í starfi.

Lengt er í lánum. Aðalmálið er að fólk HÆTTI EKKI AÐ BORGA

Lengt er í lánum. Aðalmálið er að fólk HÆTTI EKKI AÐ BORGA

Nefndarálit (úrdráttur)
(allur textinn hér)
Frá félags- og tryggingamálanefnd (24.nóv.).
....
Frumvarpinu ásamt fleiri aðgerðum er ætlað að rýmka heimildir og fjölga úrræðum sem Íbúðalánasjóður hefur til að koma til móts við lántakendur sem lenda í greiðsluvanda. Lagt er til að Íbúða­lána­sjóði sé heimilt að leigja eða fela öðrum að leigja það íbúðarhúsnæði sem sjóðurinn hefur yfir­tekið á nauðungaruppboði. Þá er lögð til lenging úr 15 árum í 30 ár á hámarkslánstíma skuld­breytingarlána Íbúðalánasjóðs sem veitt eru vegna tímabundinna greiðsluerfiðleika lán­taka.
....
Hvað leiguverðið varðar telur nefndin að gæta þurfi að því að útleiga íbúða standi undir kostnaði en jafnframt sé fyrrum eiganda ekki gert ófært að greiða leigu. Í greinargerð kemur fram að Íbúðalánasjóður muni við útleigu miða við markaðsverð en á fundi nefndarinnar kom fram að engar tölur lægju fyrir um leiguverð á markaði utan þess að það hafi tekið að lækka. Nauð­synlegt er að tryggja Íbúðalánasjóði rekstrargrundvöll og því eðlilegt að leggja áherslu á að einungis er um skammtímaúrræði að ræða. Þannig verði sjóðnum gert kleift að selja íbúðir ef leiga þeirra reynist hærri en gengur og gerist en lántakendum jafnframt gert kleift að leita að hentugu húsnæði sem hefur í för með sér sem minnst hnjask eða óhagræði fyrir lántakendur og fjölskyldur þeirra.
Lengingu á hámarkslánstíma skuldbreytingarlána Íbúðalánasjóðs úr 15 í 30 ár eru sett þau tak­mörk í lögum um húsnæðismál að hámarkslánstími lána hjá sjóðnum er 55 ár, sbr. 4. mgr. 48. gr. laganna. Ef þessu tímamarki er haldið til streitu getur það orðið til þess að ekki geti allir nýtt sér heimildina til skuldbreytingar í 30 ár. Þar sem það getur skipt einstaklinga sköpum í því efnahagsástandi sem nú ríkir að geta lengt í lánum sínum og með því lækkað greiðslu­byrði leggur nefndin til að hámarkslánstími lána hjá sjóðnum verði færður í 70 ár. Nefndin telur nauðsynlegt að samhliða slíkri lengingu séu lántakendur uppfræddir um að kostnaður aukist mjög þó að greiðslubyrði léttist einungis lítillega.
....
Í frumvarpinu er það gert að skilyrði fyrir útleigu íbúða að sjóðurinn hafi eignast þær á nauð­ungaruppboði. Nauðungaruppboð er kostnaðarsöm aðgerð sem getur haft neikvæð áhrif á einstaklinga og fjölskyldur. Nefndin leggur áherslu á að allra leiða sé leitað til að aðstoða fólk í greiðsluerfiðleikum og m.a. séu einstaklingar aðstoðaðir við að minnka við sig, sé þess kostur. Í þessu sambandi lítur nefndin til þeirra úrræða sem kynnt hafa verið á síðustu vikum, lántakendum til hagsbóta, sem og frumvarps um greiðsluaðlögun sem ríkisstjórnin hefur sagt að sé væntanlegt. Augljóst er að stundum er nauðungaruppboð eina leiðin og það úrræði að geta leigt íbúð áfram fjölskyldum þá mjög kærkomið. Að sama skapi telur nefndin mikilvægt að horft sé til alvarleika slíkra aðgerða og eingöngu gripið til þeirra sem síðasta úrræðis.
....

Saturday, November 22, 2008

Framtíð barna og ungra veðsett; skuldsettar fjölskyldur bera skaðann einar, fjármagnseigendur sleppa

Framtíð barna og ungra veðsett; vísitalan flytur tjónið af verðfalli krónunnar með tvöföldum þunga til ungra skuldsettra fjölskyldna en fjármagnseigendur sleppa við tjón

Bensi á visis-bloggi
[úrdráttur–allur textinn hér]
Það verður að frysta verðtryggingar-vísitöluna - og stíga með því bein skref út úr verðtryggðu krónunni - - annars er hætta á að stórir hópa getir ekki borgað af lánum sínum eða beinlínis kjósi að hætta að borga. Jafnræði verður að tryggja milli lántakenda og fjármagnseigenda og fjármálastofnana - og það mundi aldrei fyrirgefast Samfylkingunni að veðsetja framtíð barna og ungra með því að láta vísitöluna flytja tjónið af verðfalli krónunnar með tvöföldum þunga til úngra skuldsettra fjölskyldna og láta það sitja þar (en fría fjármagnseigendur við tjónið)

Það verður að leggja Íbúðalánasjóði til 20-30 milljarðar strax og tryggja eiginfjárstöðu sjóðsins til að honum verði mögulegt að eflast í þeirri tiltekt sem óhjákvæmileg er og þegar ákveðin með neyðarlögum.

Dekur við ríka—heimili hinna í gjaldþrot

(úrdráttur úr grein Jóns Haukssonar á heimur.is)

[Samfélagsleg ábyrgð er tískuorð í viðskiptafræðum. Það er samfélagsleg ábyrgð við „núverandi aðstæður“ að setja ekki tugi þúsunda heimila og fyrirtækja í landinu í gjaldþrot vegna verðtryggingar og okurvaxta. Sú samfélagslega ábyrgð felst ekki í dekri við sparifjáreigendur næstu mánuðina. Þeir verða líka að gefa eitthvað eftir.]

Dekur við sparifjáreigendur

Það vekur athygli mína hvað margir stjórnmálamenn eru á móti því að afnema verðtryggingu með því að festa vísitöluna í eitt ár. Þau Geir Haarde og Ingibjörg Sólrún voru spurð að þessu á IMF-fundinum í Ráðherrabústaðnum á dögunum og þau svöruðu mjög stuttaralega því til að þetta væri ekki hægt vegna þess skaða sem Íbúðalánasjóður og lífeyrissjóðirnir yrðu fyrir. Gylfi Arnbjörnsson, forseti ASÍ, og Jóhanna Sigurðardóttir félagsmálaráðherra hafa notað sömu rök. Núna bætist Ögmundur við. Það er bara sagt: Nei, þetta er ekki hægt. Það er bara eins og málinu sé þá lokið – líkt og í dómsal.

Ríkisstjórnin hefur staðið myndarlega við bakið á sparifjáreigendum í bankakreppunni. Hún hefur ábyrgst „íslenskar“ sparisjóðsbækur langt umfram skyldu. Hún hefur núþegar dælt 200 milljörðum króna í peningamarkaðssjóði bankanna, eitthvað sem henni bar engin skylda til að gera. Hún má ekki til þess hugsa að afnema verðtryggingu vegna þess að það skerðir lífeyri lífeyrisþega. Hún hefur viðrað það að hækka skatta í kreppunni. Hún þráast við að lækka vexti út af einhverri krónu. Hún hefur haft forystu um að hækka verð á víni og tóbaki í skjóli einokunar og agnúast í leiðinni út í einkafyrirtæki fyrir verðhækkanir og nefnir ónóga samkeppni yfirleitt til sögunnar.
Jón G. Hauksson, grein í heimur.is sjá hér alla greinina

Wednesday, November 19, 2008

Verðtrygging húsnæðislána er mannréttindabrot sem leiðir til frelsissviftingar og kúgunar

Hin íslenska verðtrygging, rúmlega ársgamall pistill á bloggi Kjartans Eggertssonar

[úrdráttur hér á eftir, tengill hér að ofan]

Ýmsum kann að þykja að verðtrygging á höfustól láns sé réttlætismál og hagur beggja aðila, lántakanda og lánveitanda. Vissulega er það falleg hugsun að lántakandi greiði til baka raunverðmæti þess láns sem hann tekur. Á íslenskum lánamarkaði gilda hins vegar reglur og háttsemi sem er á skjön við þessa fallegu hugsun jafnaðar og ærlegheita.
. . .
Það er verkefni Alþingis að breyta lögum um banka- og lánastarfsemi þar sem aðstæður aðila verða jafnaðar. Almenningur á ekki að sætta sig við að þurfa að taka lán á þessum kjörum til að reisa sér þak yfir höfuðið og mennta sig til að koma undir sig fótunum og koma börnum sínum til manns. Í raun er staðan sú að ungt fólk sem kaupir sér húsnæði festist í neti "kúgara" sem heimta andvirði lánsins (hússins) þrefalt til baka, enda fer mest öll starfsæfi almennings á Íslandi í að greiða upp húsnæðislán.

allur pistill hér

Monday, November 17, 2008

Það má halla á íbúðakaupendur, ekki lánveitendur

Spurningin um að frysta verðtrygginguna í einhvern tíma fékk þetta svar frá utanríkisráðherra á blaðamannafundinum í dag:

"Þá tapar Íbúðalánasjóður fé og hann þarf að standa við sínar skuldbindingar."

"Þetta er ekki þannig að þetta sé bara á annan veginn..." (hér hlýtur hún að meina að þá myndi halla of mikið á Íbúðalánasjóð í verðbólgu)

Ingibjörg Sólrún. Þetta er bara á annan veginn núna. Fasteignakaupendur bera allan þungann; lánveitendur eru bæði með axlabönd og belti manstu?

Af hverju má það ekki vera á hinn veginn?
...
Forsætisráðherra sagði:

"Skuldir innanlands ekki eins erfiðar og erlendar skuldir."

Er það vegna verðtryggingarinnar innanlands? Að launafólk haldi áfram að halda þessu uppi?

Saturday, November 15, 2008

Áhættan áfram öll hjá lántakendum

Tregða stjórnvalda til að vinna að því að afnema verðtrygginguna

Verðtryggingin gerir óþolandi mismunun milli skuldara og fjármagnseigenda. Áhættan verður áfram öll hjá skuldurum - og bankar og fjármálastofnanir verða áfram nær ónæmar fyrir áhættu vegna verðbólgu.

Sjá pistil hér

Úrræði lífeyrissjóðanna við greiðsluvanda heimilanna

Greiðsluvandi og úrræði lífeyrissjóða
- tillögur og greinargerð starfshóps Landssamtaka lífeyrissjóða
Sjá vefslóð hér
Starfshópur á vegum Landssamtaka lífeyrissjóða mælist til þess við lífeyrissjóði landsins
að þeir aðstoði þá sjóðfélaga, sem lenda í greiðsluerfiðleikum og fjárhagsvandræðum vegna efnahagsástandsins með því að bjóða þeim svokallaða „frystingu“ lífeyrissjóðslána, tímabundna ívilnum með breytingu á lánaskilmálum.

Hverjum lífeyrissjóði verði í sjálfsvald sett að að meta hverja beri að aðstoða með þessum hætti og hve lengi lánafrysting skuli vara í hverju tilviki. Starfshópurinn telur ekki óeðlilegt að miða þar við 6 til 12 mánuði til að byrja með.

Sjóðirnir taki upp nánara samstarf við Ráðgjafarstofu um fjármál heimilanna og beini því til
sjóðfélaga í greiðsluvandræðum að leita til hennar eftir aðstoð til að fá heildstæða mynd af stöðu sinni og hvað sé til ráða.

• auki upplýsingamiðlun gagnvart þeim sem lenda í vanskilum eða eru sjálfir að kanna möguleika sína til að komast hjá vanskilum. Það má gera með því að
– birta aðgengilegar upplýsingar og skýringar á heimasíðu lífeyrissjóða þar sem gerð er grein fyrir mismunandi skilmálabreytingum.
– efla reiknivélar á heimasíðum sjóðanna þannig að fólk geti metið betur hvaða áhrif skilmálabreyting hefur á greiðsluflæði skuldabréfs í framtíðinni.

• horfi til stærri hóps en þess sem þegar er kominn í verulegan greiðsluvanda (sjá greinargerð).

• verði áfram sveigjanlegir gagnvart þeim sem lenda í greiðsluerfiðleikum og bjóði upp á breytta lánaskilmála hér eftir sem hingað til (sjá greinargerð).

Thursday, November 13, 2008

Þú missir íbúðina en færð að búa í henni í smástund í viðbót

Mælt fyrir frumvarpi um húsnæðismál

„Heimild Íbúðalánasjóðs til þess leigja eða fela öðrum að annast leigumiðlun íbúðarhúsnæðis er lögð til með það að meginmarkmiði að gera leigjendum íbúða sem sjóðurinn hefur eignast á nauðungaruppboði vegna greiðsluerfiðleika leigufélaganna, eða eigendum íbúða sem hafa misst þær vegna greiðsluerfiðleika, kleift að búa áfram í íbúðarhúsnæðinu í tiltekinn tíma gegn leigu. Fólki sé þannig forðað frá því að þurfa að hrekjast úr húsnæði sínu með litlum fyrirvara og án þess að eiga í önnur hús að venda“, sagði Jóhanna þegar hún mælti fyrir frumvarpinu.

Sjá vef félagsmálaráðuneytis

Wednesday, November 12, 2008























heimild: mbl. 13.11. viðskipti bls. 6

Tuesday, November 11, 2008

Námsmenn í sárri neyð fá aukalán sem verða greidd út á næsta ári!

En ef námsmenn þurfa að borða í dag?

Ef námsmaður er í sárri neyð vegna ófyrirsjáanlegrar röskunar á stöðu hans og högum frá því að nám hófst í haust getur hann hann sótt um sérstakt aukalán.

Blogg Marinós G. Njálssonar
og tengill á Lín hér til vinstri á síðunni.

Í skálkaskjóli Sjálfstæðisflokks í 25 ár

Lífeyrissjóðir landsmanna dafna á kostnað lántakenda í skálkaskjóli Sjálfstæðisflokks í 25 ár.

Í 25 ár hefur lífeyrissjóðakerfi landsmanna dafnað í skálkaskjóli stjórnvalda sem um langt árabil hafa látið gott heita að útlán héldu áfram að vaxa með margföldum vaxtarhraða þjóðarframleiðslu. Samtímis hefur orðið breyting á tekjuskiptingu þannig að greiðslubyrði banka- og lífeyrissjóðslána hefur hækkað sem hlutfall af rauntekjum þeirra sem hafa borið skarðan hlut frá borði.

Gunnar Tómasson, fyrrverandi hagfræðingur hjá Alþjóðagjaldeyrissjóðnum
í FB 3.nóv. sl.

Monday, November 10, 2008

Afnám verðtryggingar—rétti tíminn er núna!

Verðtrygging lána er séríslenskt fyrirbæri. Verðtrygging er mjög óhagstæð lántakendum og ósanngjörn þar sem þeir bera einir áhættuna af verðlagsbreytingum.
Núna er rétti tíminn til þess að afnema verðtryggingu á lánum til almennings. Fjármálakerfið á Ísland verður stokkað upp.

Verðtryggðir vextir vextir (verðbætur) sem eru reiknaðir af vöxtum. Það virðist flókið við fyrstu sýn. Aðallega vegna þess hversu arfavitlaust það er, eða stórsnjallt.

Góð lýsing á verðtryggingu

Sunday, November 09, 2008

Jóhanna. ÞINN TÍMI ER NÚNA

Vill Samfylkingin virkilega halda í verðtrygginguna?
Verðtrygging er: vextir ofan á vexti. Bensínverðhækkun út í heimi hækkar vexti á íslenskt húsnæði.

Jafnaðarmannaflokkur – hvað þýðir það?

Grein Jóhönnu um verðtrygginguna árið 1996.
Hvað hefur breyst?

Samfylkingin er undir járnhæl Flokksins

Útspil varaformanns jafnarmannaflokksins á Borgarafundinum í Iðnó í gær, segir okkur að Samfylkingin er ekki með neina vinnu í gangi til að skoða hvernig hægt er að losna við verðtrygginguna. Einblýnum á óréttlæti verðtryggingarinnar og ráðumst þar með á stoðir þessa óréttláta íbúða- og efnahagskerfis sem við Íslendingar búum við.

Góður pistill hér

Friday, November 07, 2008

FLOKKURINN hreykir sér af "öflugum aðgerðum" ríkisstjórnar til varnar heimilum: Viljayfirlýsing, leita samráðs, vakta breytingar, eitt í einu....

Gefa tíma fyrir pappírstætarana.

Tekið af vef XD (Sjálfstæðis-Flokkurinn)

Aðdáun Sjálfstæðis-flokksmanna á “öflugum” aðgerðum ríkisstjórnarinnar

Niðurstaða vefstjóra:
1. gefa tíma fyrir pappírstætara
2. gera eitt í einu
3. fjölga ráðgjöfum
4. breyta lögum svo auka megi lántökur hjá almenningi
(með auknum ábyrgðum að sjálfsögðu)
5. símanúmer
6. tilmæli
7. lýsa yfir vilja
8. leita samráðs
9. vakta breytingar

Ef þú hefur einhvern tímann komið nálægt nefndar- eða stjórnunarstörfum þá þekkirðu að þetta er ósköp lítið. Orðalag eins og lýsa yfir vilja, leita samráðs, vakta breytingar, er notað þegar ekkert er verið að framkvæmda heldur að róa liðið, setja oní skúffu. Gufa.

Og Sjálfstæðismenn eru hreyknir af þessu! Hvað með Samfylkinguna? Eruð þið hreykin af þessu?

(Vefstjóri hefur rauðlitað það sem honum þykir sérstaklega fyndið og sett inn í sviga sínar eigin bláu vangaveltur.)
--------------------------- Hér byrjar ballið:
http://xd.is

Fréttir og tilkynningar
07. nóvember 2008 | 17:43:36

Öflugar aðgerðir ríkisstjórnarinnar til að verja stöðu heimilanna

Hrun bankakerfisins hér á landi hefur valdið íslenskum almenningi, fjölskyldum og heimilum í landinu miklum erfiðleikum. Eins og kunnugt er samþykkti Alþingi svonefnd neyðarlög þann 6. október sl. til þess að lágmarka það tjón sem fall bankakerfisins myndi valda og slá skjaldborg um innlenda hlutann í starfsemi bankanna og leitaði í kjölfarið eftir samstarfi við IMF.
(Af hverju var það gert í kjölfarið? Af hverju ekki strax? Var ekki hægt að gera tvennt í einu? var það til að gefa pappírstæturunum tíma til að vinna?)

Auk þessa hefur ríkisstjórnin kynnt fjölmargar aðgerðir á þessum tíma til þess að verja stöðu heimilanna í landinu.

Efling Ráðgjafarstofu um fjármál heimilanna
(eflingin fólst í því að fjölga ráðgjöfum, ekkert annað. Og það sem ráðgjafarnir hafa leyfi til að gera er að reikna út hvort fólk geti skuldbreytt vanskilum og aukið lántökur með veðheimildum. Sömu upplýsingar getur fólk fengið á vef félagsmálaráðuneytis. Síðan sendir Ráðgjafaþjónustan fólk til viðkomandi lánastofnunar til að ganga frá pappírum).

Samræmt þjónustunet upplýsinga - grænt númer 800 1190
(símanúmer sem segir frá símanúmerum félagasamtaka hm…)

Komið til móts við námsmenn erlendis (boðið er upp á auknar lántökur)

Almenn velferð nemenda
Tilmælum var beint til skólastjórnenda og forstöðumanna opinberra stofnana að huga að almennri velferð nemenda og starfsfólks stofnana og að sérstaklega verði gætt að þeim sem kunna að hafa orðið fyrir skakkaföllum í tengslum við atburði síðustu vikna.
(Bréf frá menntamálaráðherra í upphafi október til skólameistara sem sendu bréf á kennara og beindu þeim tilmælum niður [dripple down effect]: að vera jákvæð og segja nemendum frá því að kreppan sé bara tímabundið ástand. )


Mildaðar innheimtuaðgerðir
Heimildir Íbúðalánasjóðs voru rýmkaðar til að koma til móts við lántakendur sem lenda í greiðsluerfiðleikum ásamt því að sjóðurinn mildaði innheimtuaðgerðir með tilliti til ástands efnahagsmála. (boðið er upp á auknar lántökur og leyfa gjaldþrota fólki að búa í 3 mánuði í sínum fyrrverandi íbúðum í stað eins mánaðar )

Breytingar á lánum auðveldaðar (auknar lántökur)
Þá hefur ríkisstjórnin boðað lagafrumvarp sem felli tímabundið niður stimpilgjöld af skilmálabreytingum og skuldbreytingalánum af íbúðahúsnæðisveðlánum. (fyrir lántöku á tímabilinu frá 1.okt. til áramóta)

Lenging skuldbreytingalána (auknar lántökur)
Ríkisstjórnin hefur samþykkt framlagningu frumvarps um breytingu á lögum um húsnæðismál sem heimili lengingu skuldbreytingalána vegna vanskila hjá Íbúðarlánasjóði úr 15 árum í 30 ár og að lengja upphaflegan lánstíma lána sjóðsins vegna greiðsluerfiðleika í allt að 30 ár í stað 15 eins og nú er.

Aukið námsframboð í háskólum og framhaldsskólum
Háskólar landsins hafa þegar lýst yfir vilja sínum til að bregðast við efnahagsvandanum, m.a. með auknu námsframboði á ýmsum sviðum hefðbundins náms og á vegum endurmenntunarstofnanna. Þá verður leitað samráðs við framhaldsskólana um möguleika á aðkomu þeirra að stofnun stuttra námsbrauta og tækifærum til endurmenntunar ekki síst fyrir iðnaðarmenn sem misst hafa vinnuna.

Ráðgjafar- og námsúrræði (samráð? Vakta breytingar?)
Menntamálaráðuneyti og Vinnumálastofnun taka þátt í samráði með aðilum vinnumarkaðarins sem hefur það verkefni að vakta breytingar á vinnumarkaði og hvernig er hægt að bregðast við þeim með ráðgjafar- og námsúrræðum. Áhersla er á menntun og ráðgjöf til fólks á vinnumarkaði sem hefur stutta menntun að baki.

En hvað gera fjölskyldur þangað til?

Greiðsluaðlögun vonandi fyrir jól segir Jóhanna
Jóhanna Sigurðardóttir, félagsmálaráðherra, vonast til að lög um greiðsluaðlögun og -jöfnun fyrir almenning vegna húsnæðislána verði samþykkt fyrir jól. Hún segir að frysting verðtryggðra lána myndi þýða að eigið fé Íbúðalánasjóðs þurrkaðist upp á tveimur mánuðum og að lífeyrissjóðir gætu vart staðið við skuldbindingar sínar.

ruv.is

MATARSKORTUR FRAMUNDAN

Mikilvægara er fyrir fjölskyldur landsins að HAMSTRA MAT en að greiða af skuldunum. Nú skella á verðhækkanir sem aldrei fyrr.

Thursday, November 06, 2008

Húrra fyrir Jóni Daníelssyni og Gylfa Zoega !

Ríkisstjórnin er að kveikja á perunni varðandi heimilin í landinu!

BRÁÐAAÐGERÐIR ríkisstjórnarinnar:
– rýmka og milda inheimtuaðgerðir;
– skuldbreytingar á lánum og vanskilum;
– dreifa greiðslum;
– lengja í lánum;
– frysting lána og afborgana myntkörfulána

Ríkisstjórnin beinir tilmælum til bankanna
að taka upp sömu afgreiðslu og Íbúðalánasjóður

LANGTÍMAAÐGERÐIR:
Kerfisbreyting a la Jón Daníelsson og Gylfi Zoega í athugun:
– taka upp form af kaupleigu að hluta til
– greiðsla sem leigugjald sem má breyta í eign síðar

Íslenskar fjölskyldur ættu að bíða og BORGA EKKI, SEMJA EKKI
fyrr en tryggt er að hagsmunir fjölskyldunnar sé hafðir í algjöru fyrirrúmi.

Betri er 1 fugl í hendi en 2 í skógi þegar kemur að loforðum ríkisstjórnarinnar.

Skortur á samræmi milli stofnana ríkisins (blablabla).

Ekki vantaði yfirlýsingarnar frá stjórnvöldum fyrir mánuði um að mikilvægt væri að koma til móts við skuldugt fólk. Efndirnar hefði vantað.

Verið er að bera fólk út úr íbúðum sínum að kröfu ríkisbankanna.

Fólki sem missir heimili sín býðst að leigja hjá Íbúðalánasjóði.

Fólk borið út úr íbúðum sínum að kröfu ríkisbankanna.

Verið er að bera fólk út úr íbúðum sínum að kröfu ríkisbankanna.

Samkvæmt vef félagsmálaráðuneytis eru bankarnir ráðgjafar um skuldir heimilanna!
Og ef heimilin eiga ekki meiri og betri veð eða auknar ábyrgðir, þá bera þau skaðann.

Hvar strandar málið um hlutakaup í íbúðum?

Hugmyndir Gylfa Zoega og Jóns Danielssonar um hlutakaup í íbúðum er eitthvað sem ætti að vera í flýtimeðferð í gegnum kerfið nú. hér

Hvar er greiðsluaðlögunin fyrir fjölskyldurnar?

Bankamenn bestu ráðgjafarnir? Fyrir auðmenn já, fjölskyldur nei!

Í því ljósi, sem verið er að varpa á bankastarfsemi á Íslandi, þyrfti almenningur að skoða hvort það er við hæfi að bankamenn séu ráðgjafar um skuldir heimilanna.

Margir eiga nú í erfiðleikum með að greiða af lánum sínum. Það eru breyttar aðstæður í þjóðfélaginu. Upphaflegar forsendur eru brostnar.

Ríkisstjórnin beinir því til fólks að leita til bankanna með úrræði. Bankar eru ekki réttu fjármálaráðgjafarnir í dag. Þeir stinga upp á auknum veðheimildum. Ef þær eru ekki til staðar, hvað þá?

Wednesday, November 05, 2008

Getur almenningur höfðað mál gegn Kaupþingi?

Lántakendur Kaupþings eru settir undir einn hatt af Pétri Blöndal (í Kastljósi 5.nóv):

1) Lántakendur sem starfsmenn, sem taka lán hjá bankanum til að kaupa hlutabréf.
(Starfsmenn Kaupþings sem fengu lánað fyrir kaupunum þurfa ekki að bera persónulegaskaða af tapinu.)
og
2) venjulegt fólk sem setti íbúðir sínar að veði fyrir lánum hjá bankanum..
(Almennir lántakendur, sem fengu lánað með veði í íbúð sinni sem er orðin verðminni en áður, geta ekki staðið í skilum vegna verðbólgu en þurfa að bera tap sitt sjálfir.)

Geta almennir lántakendur Kaupþings farið í einkamál við bankann vegna mismununar?

Bankamenn ráðgjafar um skuldir heimilanna?

Í því ljósi, sem verið er að varpa á bankastarfsemi á Íslandi, þyrfti almenningur að skoða hvort það er við hæfi að bankamenn séu ráðgjafar um skuldir heimilanna.

Af vef Félagsmálaráðuneytisins:

„Greiðsluerfiðleikar / Breyttar aðstæður
Allir geta lent í erfiðleikum með fjármálin og fjármögnun íbúðarhúsnæðis. Óvænt atvik geta komið upp sem breyta upphaflegum forsendum. Mikilvægt er að leita strax aðstoðar áður en vanskil verða veruleg. Bankar, sparisjóðir, Ráðgjafarstofa um fjármál heimilanna ásamt Íbúðalánasjóði veita ráðgjöf um úrlausn vandans.“


Tuesday, November 04, 2008

Passa að fjölskyldur lendi ekki á götunni

Skoðað hvort leyft verður að selja hluta húsa
sjá einnig greiðsluaðlögun
Leitað er leiða til að leysa vanda fjölskyldnanna.

Félagsmálaráðuneytið skoðar hvort veita eigi Íbúðalánasjóði og lífeyrissjóðunum leyfi til að eignast hlut í fasteignum landsmanna í stað þess að eigendur þeirra verði teknir til gjaldþrotaskipta.

Hagfræðingarnir Gylfi Zoëga og Jón Daníelsson hafa bent á þá leið til að bjarga fjárhag fölskyldna. Hugmyndin er nú meðal annarra sem ráðuneytið skoðar.

Einnig er í skoðun að veita Íbúðalánasjóði leyfi til að leigja þeim sem missa íbúðir sínar þær aftur líklegast miðast við verð á leigumarkaði.

Ákvörðunin liggur ekki fyrir
Jón og Gylfi settu hugmyndina um að selja lánveitendum hluta heimila og lækka þannig afborgunina fyrst fram í aðsendri grein í Morgunblaðinu og fullyrtu í Silfri Egils á sunnudag að þeir hefðu fengið álit lögfræðinga á því að þessi leið væri fær með einu pennastriki, það er lagabreytingu. Hrannar segir ráðuneytið skoða hvaða lögum þyrfti að breyta og bendir á að meðal annars þyrftu lífeyrissjóðirnir leyfi til að eiga íbúðir.

Betra að kaupa en endurleigja
Gylfi bendir á að sú leið að endurleigja þeim sem missi íbúðir sínar sé ekki eins skynsamleg og að kaupa hlut. Íbúðalánasjóður fengi lítið upp í lán þess sem yrði gjaldþrota þar sem íbúðaverð lækkaði. Þá mætti einnig búast við að umgengnin um húseignina breyttist. „Ef fyrrverandi eigandi er orðinn leiguliði hefur hann ekki lengur hagsmuni af því að vernda verðmæti hússins.“

Gylfi bendir einnig á að kaupleiðin sé ákjósanlegri en að bjóða upp á lengri afborgunartíma lána. „Allir þurfa að draga saman lífskjörin á næstunni og því má búast við að flestir vilji lengingu í láninu. Þá myndu einnig margir freistast til þess að lengja í láninu til að auka neysluna. Með því að bjóða kaup á hluta eignanna væri unnt að koma í veg fyrir slíka misnotkun.“ Setja yrði reglur sem tryggðu að íbúðareigandinn ætti forgangsrétt að eignarhlut sjóðsins og að sjóðurinn gæti ekki ákveðið að selja íbúðina. Einnig að viðhald eignarinnar væri ekki á ábyrgð hans.

„Síðan seldi eigandinn íbúðina þegar hann fengi hvað mest fyrir hana og þá fengi Íbúðalánasjóður hlut sinn greiddan til baka.“

Tekið úr mogganum 4.nóv. bls. 4

Monday, November 03, 2008

Réttaraðstoð [fyrir einstaklinga] að leita nauðasamninga

Markmið nauðasamninga [einstaklinga] er að ráða bót á ógjaldfærni skuldara og þá einkum með því að lækka skuldir svo bæði verði jafnvægi milli þeirra og eigna til að skuldari verði frekar fær um að standa í skilum.

Upplýsingar um réttaraðstoð til að leita nauðasamninga samkvæmt lögum nr. 65/1996 og leiðbeiningar með umsókn
(smellið hér)
(á vef dómsmálaráðuneytis)

I.Réttaraðstoð [fyrir einstaklinga] að leita nauðasamninga.
Lög um réttaraðstoð við einstaklinga til að leita nauðasamninga, nr. 54/1996 tóku gildi 1. júlí 1996. Samkvæmt lögunum getur dómsmálaráðherra veitt einstaklingum réttaraðstoð í formi fjárhagsstuðnings til að standa straum af kostnaði við að koma á nauðasamningi. Réttaraðstoðin tekur til kostnaðar af aðstoð við að leita nauðasamnings ásamt tryggingu fyrir kostnaði við undirbúning og gerð nauðasamnings. Réttaraðstoðin getur þó ekki numið hærri fjárhæð samanlagt en 250.000 krónum handa hverjum umsækjanda (miðað við vísitölu neysluverðs í febrúar 1995, 174,9 stig)

II. Almennt um nauðasamninga.
Nauðasamningur er samningur um greiðslu skulda eða eftirgjöf á þeim, sem kemst á milli skuldara og nauðsynlegs meirihluta lánardrottna hans og hlýtur síðan staðfestingu fyrir dómi. Markmið nauðasamnings er að ráða bót á ógjaldfærni skuldara og þá einkum með því að lækka skuldir svo bæði verði jafnvægi milli þeirra og eigna til að skuldari verði frekar fær um að standa í skilum, eða með því að lengja gjaldfrest eða breyta á annan hátt greiðslukjörum. Um nauðasamninga fer skv. ákvæðum gjaldþrotalaga, laga nr. 21/1991. Ákvæði gjaldþrotalaga fela í sér að skuldari þarf að afla heimildar dómstóls til að leita slíks samnings, sem er veitt með dómsúrskurði. Samningsumleitanir sem taka við í kjölfarið eru í höndum sérstaks umsjónarmanns, sem er skipaður af dómstólnum um leið og heimildin er veitt.

Auknar veðsetningar íslenskra fjölskyldna: Aftur og nýbúinn

Skilyrði fyrir frestun greiðslna hjá Íbúðalánasjóði eru afarkostir:

1. Að greiðsluerfiðleikar stafi af óvæntum tímabundnum erfiðleikum vegna veikinda, slysa, minni atvinnu, atvinnuleysis eða öðrum ófyrirséðum atvikum.
(ófyrirséð atvik hljóta að vera verðtrygging og hækkun vaxta)

2. Að aðrir lánardrottnar umsækjanda samþykki einnig að veita aðstoð vegna greiðsluerfiðleika.
(nauðasamningar? )

3. Að greiðslubyrði umsækjanda samkvæmt greiðslumati sé umfram greiðslugetu. (greiðslugeta miðist við hvað? Fyrst þarf að borða)

4. Að greiðslubyrði umsækjanda eftir skuldbreytingu og/eða frestun á greiðslum rúmist innan greiðslugetu.
(veit íslenskt launafólk eða bankafólkið hvað gerist í nánustu framtíð? Atvinna, hækkandi matarverð)

5. Að lán sé í skilum.
(en hvað gera þeir sem eru ekki í skilum vegna ofurskuldsetningar v/verðtryggingar og okurvaxta?)


Ef ástæða greiðsluerfiðleika er tímabundin tekjulækkun skal í mati á greiðslugetu miða við tekjur umsækjanda áður en tekjur lækkuðu.

(íslenskt launafólk getur bókað það að um skuldbreytingar verði að ræða, með auknum veðsetningum í húsnæði sínu eða fjölskyldu sinnar og það eina sem verður gefið eftir eru stimpilgjöld)

Bönkunum, ríkisstjórn, Seðlabanka, Fjármálaeftirliti og Alþingi að kenna, ekki venjulegum Íslendingum.

Gott að spilaborgin hrundi

Mánudaginn 3. nóvember, 2008 - Innlendar fréttir Morgunblaðsins
Eftir Elvu Björk Sverrisdóttur elva@mbl.is

Ábyrgðin vegna íslenska efnahagshrunsins liggur fyrst og fremst hjá bönkunum, ríkisstjórn, Seðlabanka, Fjármálaeftirliti og Alþingi. Þetta segir norski hagfræðingurinn Harald Magnus Andreassen, hagfræðingur hjá norska verðbréfafyrirtækinu First Securites, en hann hefur kynnt sér íslensk efnahagsmál.

„Þessar stofnanir samfélagsins eru ábyrgar með einum eða öðrum hætti. En ekki venjulegt fólk, Jón og Gunna,“ segir Andreassen.

Andressen segist ekki skilja hvers vegna ekki var gripið í taumana áður en í óefni kom á Íslandi. „Það er ekki hægt að kenna alþjóðlegu fjármálakreppunni um ófarir Íslands. Það eru tvö og halft ár síðan ég skrifaði um stöðuna á Íslandi og benti þar á að eitthvað undarlegt ætti sér stað. Ég hef fengið margs konar viðbrögð frá hagfræðingum og bankamönnum víða að. Þar hefur verið bent á að það sem væri að gerast á Íslandi, bæði í efnahagslífinu og hvað varðaði vöxt bankanna, gæti ekki byggst á góðri hagfræði. Og sú reyndist raunin.“ „Að vissu leyti má segja að það hafi verið gott að þessi spilaborg hrundi núna en ekki eftir tvö til þrjú ár. Þá hefði þetta orðið ykkur enn dýrkeyptara. Það hefði átt að vera búið að stoppa ykkur fyrir löngu, en þið voruð heppin að hrunið varð núna.“ segir hann.

Andreassen kveðst telja að Norðmenn hafa takmarkaðan áhuga á að taka á sig byrðar vegna íslenska efnahagshrunsins. „Ég á ekki von á því að Norðmenn séu reiðubúnir að leggja háar fjárhæðir í að greiða niður skuldir Íslendinga. Þið skuldið miklu meira en þið getið greitt þjáningalaust. Ég býst við að flestir Norðmenn myndu segja – látum þá þjást um tíma. Þetta er ekki okkar vandamál. En við myndum ekki láta ykkur svelta.“

Lífeyrissjóðslán fryst í sex til tólf mánuði

Lífeyrissjóðirnir komi til móts við sjóðfélaga í greiðsluerfiðleikum.

Mánudagur 3. 11. 08

Landssamtök lífeyrissjóða beina því til lífeyrissjóðanna að bjóða sjóðfélögum í greiðsluerfiðleikum að „frysta“ lífeyrissjóðslán sín í sex til tólf mánuði, til að byrja með, með því að breyta lánaskilmálum tímabundið.

Þá mælast Landssamtökin til þess að lífeyrissjóðir taki upp nánara samstarf við Ráðgjafarstofu um fjármál heimilanna til að auðvelda sjóðfélögum í vanda að fá heildstæða mynd af stöðu sinni og hvaða leiðir séu til ráða. Ennfremur efli lífeyrissjóðir upplýsingamiðlun til þeirra sem eru í vanda staddir eða eru að kanna sjálfir hvernig þeir eigi að komast hjá því að lenda í fjárhagsvandræðum.

Stjórn Landssamtaka lífeyrissjóða skipaði um miðjan október starfshóp til að fjalla um greiðsluvanda sjóðfélaga og tillögur til úrbóta. Starfshópurinn vann hratt og skilaði af sér tillögum nú fyrir helgi ásamt greinargerð. Stjórn Landssamtakanna hefur fjallað um tillögurnar og samþykkt að gera þær að sínum. Tillögurnar hafa verið sendar til lífeyrissjóða innan vébanda Landssamtaka lífeyrissjóða til umfjöllunar.
(plaggið allt sjá tengil á Lífeyrissjóði hér til vinstri á vef)

Gjaldþrotalöggjöfina úr sambandi og lengið í lánum fólks og/eða kaupið af fólki.

Ríkið getur hjálpað fjölskyldum með því að kippa gjaldþrotalöggjöfinni úr sambandi og lengt í lánum fólks eða keypt hluta af fasteignum þess.

Ísland skólabókardæmi um hvernig ekki á að bregðast við kreppu
Vísir, 02. nóv. 2008 16:30

Varðandi heimilin í landinu sagði Jón að ríkið gæti gert ýmislegt til að hjálpa, til dæmis mætti kippa gjaldþrotalöggjöfinni úr sambandi í þrjá mánuði þannig að enginn verði gerður gjaldþrota. Og varðandi þá sem standa verst, geti ríkið eða bankarnir, sem séu eitt og hið sama, lengt í lánum fólks eða keypt hluta af fasteignum þess. Síðan eftir einhver ár, þegar betur stendur á eða fasteignin seld, fái ríkið sinn hlut endurgreiddan.

Ráðstafanir til að vernda fjölskyldur
Úrdráttur á þessum vef, úr grein eftir hagfræðingana Gylfa Zoëga og Jón Daníelsson

birtist í mogganum, mánudag 27.okt.

Sunday, November 02, 2008

Ævilangur þrældómur eða hætta að borga?

Er vont að verða gjaldþrota? Ef nógu margir hætta að borga af verðtryggðum lánum þá verður fjöldagjaldþrot og þá verður ríkisvaldið að bregðast við. Þannig er mögulegt að knýja fram breytingar.
Þetta var að skilja á Sigrúnu Elsu Smáradóttur borgarfulltrúa í Silfri Egils.

Friday, October 31, 2008

Alvarlegir fjárhagserfiðleikar hjá 14.000 Íslendingum fyrir bankahrun. Hver er talan í dag?

Hartnær fjórtán þúsund Íslendingar eru í alvarlegum fjárhagserfiðleikum.
Einstæðir feður eru mun líklegri til að lenda í vanskilum en einstæðar mæður en langfjölmennasti hópur þeirrra sem eru á vanskilaskrá eru barnlausir karlmenn. Þetta kemur fram í nýrri skýrslu frá Creditinfo Ísland.

Í ljósi aðstæðna í þjóðfélaginu hefur Creditinfo, fyrirtæki sem heldur utan um vanskil landsmanna, tekið saman vanskilastöðu fólks og fjölskyldna í landinu. Það skal tekið fram að þeir sem lent hafa í erfiðleikum eftir bankahrunið hafa enn ekki ratað inn á vanskilaskrá. Hins vegar hefur fólki í vanskilum fjölgað verulega á þessu ári, þrjátíu prósent fleiri hafa lent á vanskilaskrá fyrstu níu mánuði ársins, miðað við allt árið í fyrra.

Það kemur líklega fæstum á óvart að flestir á vanskilaskrá eru með mánaðartekjur undir 250 þúsund krónum eða upp undir helmingur. En það eru einhleypar konur sem flestar ná endum saman, aðeins 3,8 prósent þeirra eru í vanskilum.

Staða þeirra snarversnar þegar þær eru komnar með börn og eru einstæðar, en 13,4 prósent einstæðra mæðra eru í vanskilum. Einstæðir feður eiga enn erfiðara með að standa í skilum því 18,4 prósent þeirra eru á vanskilaskrá. Stærsti hópurinn á skránni, eru einhleypir karlmenn, rösklega 6600 þeirra er í vanskilum, eða 11,7 prósent allra einhleypra karlmanna. Þá eru fimm prósent barnlausra para í hjónabandi eða sambúð í vanskilum og 6,9 prósent para með börn.

[visir.is]

Efnahagsleg rök og sanngirni mæla með því að verðtrygging á lánum til heimilanna verði alfarið bönnuð.

Ísland eina landið sem verðtryggir skuldir heimilanna

Jóhanna Sigurðardóttir, alþingism. (Mbl. 2.nóvember, 1996)

Efnahagsleg rök og sanngirni mæla með því að verðtrygging á lánum til heimilanna verði alfarið bönnuð. Að ríkisstjórnin sé föst í gamla verðbólguhugsunarhættinum.

RÍKISSTJÓRNIN telur að sívaxandi skuldir heimilanna séu merki um að heimilin eyði um efni fram. Ríkisstjórnin talar minna um að heimilin í landinu eru oft neydd til að taka lán til að eiga til hnífs og skeiðar frá degi til dags og fyrir gluggaumslögunum frá lánastofnunum vegna skulda sem sífellt vefja upp á sig. Ríkisstjórnin talar heldur ekki um hvernig verndarstefnan og ofurtollar í landbúnaði, sem heimilin eiga enga sök á, hafa aukið skuldir heimilanna.

Grænmetisverð eykur skuldir heimilanna
Stöðugleiki hefur ríkt í efnahagslífinu á udanförnum árum- fyrir tilstuðlan launafólks og verðbólgan verið með því minnsta sem þekkist. Fólkið skilur því ekki hvernig höfuðstóll skuldanna vex sífellt. Er nema von að það skilji ekki ástæðurnar, eins og þegar kartöflur hækkuðu tímabundið í sumar, þá leiddi vísitalan og verðtrygging til þess að skuldir heimilanna jukust um 500 milljónir króna. Hækkun á grænmeti á einu ári, sem mörg heimili hafa ekki efni á að kaupa vegna ofurtolla og verndarstefnu ríkisstjórnarinnar, juku engu að síður skuldir heimilanna um 1300 milljónir króna.

Verðtryggð lán ekki afnumin
Undirrituð beindi fyrirspurn til viðskiptaráðherra á Alþingi um verðtryggingu lána og skuldir heimilanna. Þar kom margt athyglisvert fram sem kallar á viðbrögð.

Meginniðurstaðan er að verðtrygging er ekki á lánum til heimila í löndum OECD, að Íslandi undanskildu. Notkun hennar í öðrum löndum hefur einskorðast við ríkisskuldabréf en þó í mjög litlum mæli. Skuldir heimila í árslok verða 350 milljarðar króna og hafa aukist á þessu ári um 25 milljarða króna. 90% af lánunum eru verðtryggð, en einungis 10% óverðtryggð.

Af hálfu stjórnvalda eru engin áform uppi um að takmarka verðtryggingu lána, umfram það sem þegar hefur verið ákveðið.

Staða heimilanna hér og á hinum Norðurlöndunum
Skuldir heimilanna á hinum Norðurlöndum hafa farið hraðminnkandi frá 1986. Hér á landi hafa þær farið vaxandi á þessum tíma og voru á síðasta ári 125% af ráðstöfunartekjum eða 25% umfram það fé sem heimilin hafa til ráðstöfunar. Gjaldþrot heimilanna hafa vaxið gífurlega. Á árinu 1993 voru þau 414 ­ á árinu 1995 ­ 871 gjaldþrot. Þannig hafa gjaldþrot heimilanna meira en tvöfaldast á 2 árum. Laun og lífskjör eru hér með því lægsta sem þekkist og vinnutími hvað lengstur. Auk þess þurfa íslensk heimili að búa við verðtryggingu á lánaskuldbindingum sínum sem hvergi þekkist innan landa OECD. Því til viðbótar eru bæði raunvextir og nafnvextir mun hærri hér á landi. Þannig voru nafnvextir um 2­3% hærri á Íslandi, en hinum Norðurlöndum í október sl., þó verðbólgan sé svipuð í þessum löndum.

Ríkisstjórnin hefur enga trú á stöðugleikanum
Stöðugleiki, lítil verðbólga og lengst af jákvæður viðskiptajöfnuður hefur ríkt hérlendis á síðustu misserum. Jafnframt sýna mörg fyrirtæki mikinn hagnað og greiða niður skuldir sínar.

Þessi umskipti í efnahags- og atvinnulífi má að langmestu leyti þakka launafólki, en afleiðing þess hefur bitnað á launafólki, með auknum skuldum þeirra og litlum launahækkunum. Allt þetta ætti nú að skapa forsendur til að afnema verðtryggingu á fjárskuldbindingum heimilanna. En allt kemur fyrir ekki. Rökstuðningur ráðherrans í svari við fyrirspurn minni byggist á gamla verðbólguhugsunarhættinum, ­ sem ríkisstjórnin virðist föst í. Hún hefur enga trú á að stöðugleikinn haldist til frambúðar.

Er Ísland öðruvísi?
Það vekur líka athygli í svari ráðherrans að þó stjórnvöld hafi þegar ákveðið að banna verðtryggingu á sparifé landsmanna frá 1. janúar árið 2000 stendur ekki til að banna verðtryggingu útlána umfram það sem þegar hefur verið ákveðið á skammtímalánum. Það mæla bæði efnahagsleg rök og sanngirni með því að verðtrygging á lánum til heimilanna verði alfarið bönnuð á næstu misserum.

Við viljum ekki endurtaka leikinn frá 1983 að kippa úr sambandi verðtryggingu launa en ekki lána. Ríkisstjórnin kemst ekki hjá því að svara af hverju Ísland, sem býr við svipað efnahagsumhverfi og þjóðir sem við berum okkur saman við, hafi eitt landa verðtryggingu á lánum til heimilanna. Og það sem verra er. Ætli að viðhalda henni. Því verður að breyta.

http://www.althingi.is/johanna/greinar/safn/000017.shtml

Hvað er eðlileg greiðslugeta?

  • Aðrir lánadrottnar samþykki að veita aðstoð vegna greiðsluerfiðleika ef talin er þörf á því.
  • Að greiðslubyrði samkvæmt greiðslumati sé umfram greiðslugetu.
  • Aðreiðslubyrði umsækjenda eftir skuldbreytingu eða frestun á greiðslum eða lengingu lánstíma rúmist innan greiðslugetu hans. (úr hádegisfréttum rúv 31.nóv. um aðferðir Íbúðalánasjóðs.)

En hvernig er greiðslugetan mæld? Má fólk borða, hafa áhugamál, kaupa föt. Hvað er eðlileg greiðslugeta? Hver ákveður hvað er eðlilegt?

Hvað ætlar sjóðurinn að gera við húsnæðið?

Þeir sem missa húsnæði sitt á uppboð geta nú verið þar í þrjá mánuði í stað eins áður. (úr hádegisfréttum rúv 31.nóv. um aðferðir Íbúðalánasjóðs.)

Hvað ætlar sjóðurinn að gera við húsnæðið eftir 3 mánuði?

Er þetta eignaupptaka?

Heimilt verður að afturkalla nauðungarsölubeiðni gegn greiðslu þriðjungs vanskila í stað helmings áður. (úr hádegisfréttum rúv 31.nóv. um aðferðir Íbúðalánasjóðs.

Ef þú getur ekki greitt helming vanskila og ert komin með nauðungarsölubeiðni í hendurnar, þá er ekki líklegt að þú getir greitt þriðjung (nema þú fáir veð hjá öldruðum ættingjum og afhendir lánastofnuninni stærri hlut í fasteignum annarra)

Lengt í hengingarólinni

Aukning er á greiðsluerfiðleika-umsóknum til Íbúðalánasjóðs.

Búist við að umsóknum til sjóðsins vegna greiðsluerfiðleika eigi eftir að fjölga mikið því samkvæmt upplýsingum Íbúðalánasjóðs fjölgar beiðnum á hverjum degi.

Sjóðurinn hefur breytt reglum sínum varðandi frest:
Frestur frá gjalddaga til greiðsluáskorunar verður 4 til 4 og hálfur mánuður en var áður um það bil helmingi styttri. (úr hádegisfréttum rúv 31.nóv. um aðferðir Íbúðalánasjóðs.

Verður auknum vanskilakostnaði bætt við þegar skuldbreytt verður með auknum ábyrgðum?

Eru lausnirnar alltaf að lengja í hengingarólinni?

10 bætast við á vanskilaskrá á hverjum degi

Fyrstu 28 dagana í október bættust við 280 einstaklingar á vanskilaskrá.

Hvað var íslenska fjármálaeftirlitið á gera í mars?

Intrum Justitia berst fyrir starfsleyfi sínu í Noregi

5.3.2008 mbl.is

Norska fjármálaeftirlitið stendur fast við ákvörðun sína um að innheimtufyrirtækið Intrum Justitia missi starfsleyfi sitt í Noregi og hefur vísað frá áfrýjun fyrirtækisins. Eftirlitið hefur sakað fyrirtækið um ítrekuð brot á reglugerðum um innheimtu en fyrirtækið starfar enn og hefur um 100 starfsmenn.

Vefsíða norska viðskiptablaðsins Dagens Næringsliv segir frá þessu.

Í nóvember á síðasta ári ákvað fjármálaeftirlit Noregs að ógilda starfsleyfi fyrirtækisins vegna „umfangsmikilla og langvarandi" brota á reglugerðum allt frá árinu 2004 og fram á síðasta ár.

Meðal þess sem fyrirtækið hefur verið sakað um er að senda út aðvaranir áður en fjórtán dagar eru liðnir frá eindaga og innheimta dráttarvexti. Þá hefur það verið gagnrýnt að starfsfólk sem áður hafi misst leyfi til að stunda innheimtu gegni mikilvægum stöðum hjá fyrirtækinu.

Intrum Justitia unir ekki ákvörðun eftirlitsins og hefur vísað málinu til dómsmálaráðuneytisins, en þar verður tekin endanleg ákvörðun um það hvort brotin réttlæti starfsleyfismissi. Ekki er búist við því að hún liggi fyrir fyrr en í sumar og heldur fyrirtækið starfsleyfinu þangað til.

Um 100 starfsmenn starfa hjá fyrirtækinu og hefur það um 8.000 viðskiptavini.

Thursday, October 30, 2008

Gerum lánastofnanir meðábyrgar fyrir því að lána einstaklingum meira en þeir ráða við að borga af.

Greiðsluaðlögunar-lög

Í Noregi (líklega á hinum Norðurlöndunum líka) eru greiðsluaðlögunarlög cirkabát þannig að:

fólk sem ræður ekki við greiðslur fær einhverja niðurfellingu skulda.
Þetta þýðir að lánastofnanir eru gerðar meðábyrgar fyrir því að lána einstaklingum meira en þeir ráða við að borga af.


Neytendasamtökin vilja flýta lagasetningu um greiðsluaðlögun

Neytendasamtökin segja brýnt að tryggja hag almennings og heimilanna í landinu í þeim erfiðleikum sem steðja að þjóðinni. Vilja samtökin að alþingi flýti afgreiðslu frumvarps um greiðsluaðlögun, eins og fram kemur á heimasíðu samtakanna. Samtökin telja að reyna muni á slíka lagasetningu við núverandi aðstæður. "Á þeirri ögurstund sem nú er í íslensku efnahagslífi treystir stjórn Neytendasamtakanna því að allt verði gert til að tryggja hag sparifjáreigenda og að gætt verði að hagsmunum almennra lántakenda í þeim aðgerðum sem gripið verður til. Stjórnvöld verða að líta fyrst og fremst á hag og hagsmuni almennings og heimilanna í landinu. Því fagna Neytendasamtökin þeim yfirlýsingum frá ráðherrum ríkisstjórnarinnar að hagur sparifjáreigenda verði tryggður og hagsmunir almennings séu einir hafðir að leiðarljósi í þeim erfiðu aðgerðum sem í hönd fara" segir í frétt samtakanna.

Þá telja Neytendasamtökin afar brýnt að séð verði til þess að reglur Íbúðalánasjóðs vegna greiðsluerfiðleika lántakenda verði þannig að komast megi hjá verulegum greiðsluerfiðleikum og gjaldþrotum. "Stjórn Neytendasamtakanna heitir á samstöðu allra aðila í þjóðfélaginu, almennings, fyrirtækja og félagasamtaka að mynda órjúfandi samstöðu um að vinna þjóðina út úr þeim erfiðleikum sem nú steðja að. Neytendasamtökin munu gera það sem í valdi þeirra stendur til að vinna að samstöðu um lausn vandans og leggja sitt að mörkum til að lágmarka megi það tjón sem orðið er og sem gera má ráð fyrir að muni verða" segir ennfremur.

[af vef skutull.is]

Innheimtuferlum Intrum breytt snarlega

Stytting í innheimtuferli. Breyting á innheimtufyrirkomulagi að flytja kröfur til Intrum um leið og þær falla í eindaga. Áður hafa alltaf liðið 20 dagar. Það er greinilegt að þeir hjá Inrum hafa ekki tekið eftir skilaboðum nýju eigendanna þ.e. frá Jóhönnu félagsmálaráðherra og ætla að “græða” á ástandinu.























Algjörlega siðlaust

Mál þetta er í raun tvíþætt. Í gærmorgun hringdi þjónustufulltrúi Intrum í mig og bauð mér að stytta í ferlinu svo ég ætti meiri möguleika á því að fá kröfurnar greiddar. Þessi samskipti voru munnleg og hef ég ekkert tilboð í höndunum. Hjá okkur virkar kerfið þannig að nokkrum dögum eftir að krögur falla í eindaga fá viðskiptavinir bréf frá innheimtubankanum og 20 dögum eftir eindaga fara kröfurnar sjálfkrafa í innheimtu til Intrum.

Þessi þjónustufulltrúi vildi meina að núna væri meiri hætta á að fyrirtæki færu á hausinn en áður (ekki að ástæðulausu) og því væri ráðlegt að gefa fyrirtækum styttri tíma til að borga og tryggja sig þannig. Vissulega er þetta rökrétt en ég afþakkaði boðið því mér finnst það siðferðislega rangt og ekki í takt við að þjóðin og fyrirtækin taki höndum saman og þrauki á erfiðum tímum. Ef allir hugsa eins og ráðgjafarnir í Intrum verður keðjuverkunin sú að allt lamast. Allir fara þráðbeint á hausinn því enginn gefur öðrum séns eða tíma.

Ég hefði haldið að til lengri tíma litið væri skynsamlegra að lengja ferlið og eiga þannig meiri möguleika á að fá greitt. Alla mína starfsæfi hef ég með einum eða öðrum hætti komið að innheimtumálum og mér hefur alltaf fundist best að koma fram við skuldarana af virðingu og gefa þeim þann tíma sem þeir þurfa. Það skilar sér í betri innheimtu bæði í krónum talið og þannig innheimta skemmir ekki viðskiptasamband við viðkomandi og viðskiptin geta haldið áfram með eðlilegum hætti.

Hin vinkillinn er að ég fékk innheimtubréf frá Intrum fyrir hönd Samskipa, þar er að vísu verið að rukka mig um reikning sem var rangur og ég var búin að senda þeim tölvupóst um að leiðrétta reikninginn. Fyrir einhver mistök hjá Samskip hefur það enn ekki verið gert. Mistök verða alltaf það er ekki málið, þessi reikningur verður líkast til leiðréttur fljótlega. Það sem vakti athygli mína var að krafan fór í Intrum strax á eindaga, sjá meðfylgjandi bréf og fylgibréf sem var í sama umslagi og segir frá breyttum innheimtuaðgerðum.

Ekki nóg með það, öllu kurteisishjali var sleppt og innheimtan er komin í lokaviðvörun strax 4 dögum eftir eindaga. Satt að segja finnst mér þetta frekar léleg vinnubrögð hjá Samskipum og ráðgjöfum þeirra í Intrum.

Reikningur er gefinn út í byrjun mánaðar, hann er settur í póst löngu seinna (7-10 dögum) þann 20 fellur reikningur í eindaga og er strax sendur til Intrum og er þar kominn í lokameðferð. Kannski er mér misboðið því reikningurinn er rangur en ég held að þó reikningurinn hefði verið réttur og ég hefði ekki greitt á réttum tíma einhverra hluta vegna (peningaleysi eða mistök) væri mér samt misboðið.

Ég get ekki betur séð en að með þessu sé Intrum að fjölga skjólstæðingum/fórnarlömbum og þannig að taka inn meiri veltu og aukinn gróða í kreppunni. Það má vel vera að þetta sé löglegt en þetta er algjörlega siðlaust.


Landsbankinn neitar að frysta verðtryggt íbúðalán

Í fréttum Stöðvar2 kom fram að Landsbankinn neitar að frysta greiðslur af verðtryggðu íbúðaláni.

Fjölskyldur missa heimili sín

Wednesday, October 29, 2008

Aukin harka í innheimtu: Hver á Intrum?

Aðaleigendur fyrirtækisins Intrum eru Landsbanki Íslands, Sparisjóðirnir og Intrum Justitia.

29.okt., kvöldfréttir RÚV, kom fram að aukin harka er sett í innheimtu.

Intrum vill stytta í venjubundnum greiðslufresti reikninga.

Greiðsluerfiðleikar fólks sem er að borga af íbúðarhúsnæði (úr bækling ASÍ)

Eru einhver úrræði hjá Íbúðarlánasjóði fyrir fólk sem er komið í þrot með greiðslur?
Svar: Já - Íbúðarlánasjóður hefur nokkur úrræði sem hægt er að grípa til þegar lántakendur hjá sjóðnum eru komnir í greiðsluerfiðleika. Verður hverri leið gerð skil hér á eftir. Hér eru mjög góðar upplýsingar frá Íbúðarlánasjóði.

Eru einhver úrræði til staðar fyrir fólk sem tók íbúðarlán í erlendri mynt?
Svar: Já - í nýsettum neyðarlögum er Íbúðarlánasjóði veitt heimild til að koma að og endurfjármagna lán fjármálafyrirtækja sem tryggð eru með veði í íbúðarhúsnæði. Ef þessi lán verða yfirtekin af Íbúðarlánasjóði mun lántakendum þessara lána standa til boða sömu úrræði vegna greiðsluerfiðleika eins og þeim sem tóku lán hjá sjóðnum.

Við hvern á að hafa samband til að fá upplýsingar og hjálp í greiðsluerfiðleikum?
Svar: Ýmist snúa skuldarar sér beint til Íbúðarlánasjóðs, viðskiptabanka og/eða Ráðgjafastofu heimilanna.

Í hvaða tilfellum er haft beint samband við Íbúðarlánasjóð?
Svar: Þegar skuldari gerir samning um greiðsludreifingu skulda í allt að 18 mánuði og þegar óska þarf frestunar á greiðslum vegna sölutregðu eignar við kaup á annarri eign.

Ég er komin í vanskil með lán en innheimtuaðgerðir eru ekki hafnar – hvað get ég gert?
Svar: Hafa samband við Íbúðarlánasjóð og gera samning um greiðsludreifingu gjaldfallina skulda auk afborgana í allt að 18 mánuði. Innheimtuaðgerðir stöðvast sjálfkrafa við samninginn.

Ég er komin í vanskil með lán og innheimtuaðgerðir eru hafnar – hvað get ég gert?
Svar: Hafa samband við Íbúðarlánasjóð og gera samning um greiðsludreifingu gjaldfallina skulda auk afborgana í allt að 18 mánuði. Innheimtukostnaður fellur ekki niður.

Skuldir eru orðnar svo miklar að ég er að missa íbúðina (nauðungarsölubeiðni)– hvað get ég gert?
Svar: Hafa samband við Íbúðarlánasjóð og greiða 50% þess sem í vanskilum er. Ekki hægt að semja um frest á fyrstu fyrirtöku uppboðs og eingöngu greiðslur koma til greina. Sé þetta gert afturkallar Íbúðarlánasjóður nauðungarsölubeiðnina.

Ég er komin í greiðsluerfiðleika sem stafa af óvæntum tímabundnum erfiðleikum s.s. veikindum, slysi, minni atvinnu, atvinnuleysis eða af öðrum ófyrirséðum atvikum – hvað get ég gert?
Svar: Hafa samband við sinn banka eða sparisjóð sem fer yfir umsókn um skuldbreytingu vanskila sem hægt er að breyta í nýtt lán til 5 – 15 ára. Viðskiptabankinn gerir síðan tillögu til Íbúðarlánasjóðs um framkvæmd.

Ég er komin í meiriháttar vanskil og í raun þrot með öll mín fjármál – hvað get ég gert?
Svar 1: Hafa samband við sinn banka, sparisjóð og/eða Ráðgjafastofu heimilanna sem fara yfir umsókn um frestun á greiðslum. Þessir aðilar gera síðan tillögu til Íbúðarlánasjóðs sem er heimilt að veita skuldara frestun (frystingu) á lánagreiðslum í 3 ár.
Svar 2: Hafa samband við sinn banka, sparisjóð og/eða Ráðgjafastofu heimilanna sem fara yfir umsókn um frestun á greiðslum. Þessir aðilar gera síðan tillögu til Íbúðarlánasjóðs sem er heimilt að lengja upphaflegan lánatíma um allt að 15 ár.

Úr bækling así, nálgist hér (word-skjal)

Tuesday, October 28, 2008

Frysting á myndkörfulánum

Viðskiptaráðuneytið hefur í dag rætt við alla bankastjóra hinna nýju ríkisbanka til að tryggja að þjónusta við viðskiptavini bankanna sé í samræmi við tilmæli ríkisstjórnarinnar um frystingu myntkörfulána.

Ríkisstjórnin hefur beint þeim tilmælum til hinna nýju ríkisbanka að þeir frysti afborganir og vexti af myntkörfulánum tímabundið, sé þess óskað, þar til eðlileg (hver ákveður hvað er eðlilegt?) virkni kemst á gjaldeyrismarkaðinn. Ennfremur að ekki verði sérstakrar greiðslu krafist af viðskiptavinum vegna þessa.

Mælst er til að bankarnir krefji viðskiptavini ekki um frekari tryggingar né láti nýtt greiðslumat fara fram vegna tímabundinnar frystingar á myntkörfulánum.

Í ljósi framangreinds er athygli viðskiptavina nýju bankanna vakin á því að þeir geti óskað eftir frystingu á myntkörfulánum, óháð efnahag sínum.

Í tilmælunum var því einnig beint til ríkisbankanna að þeir bjóði viðskiptavinum sínum í greiðsluerfiðleikum upp á sams konar úrræði og Íbúðalánasjóður hefur gert, sbr. ils.is. Þess er vænst að önnur fjármálafyrirtæki veiti sömu fyrirgreiðslu.

Bent skal á að fjármálaráðherra mun á næstu dögum leggja fram á Alþingi frumvarp til breytingar á lögum um stimpilgjöld, þar sem lagt er til að skjöl sem gefin eru út á tímabilinu frá gildistöku laganna til 1. janúar 2009 og fela í sér breytingar á skilmálum á fasteignaveðskuldabréfum einstaklinga verði undanþegin greiðslu stimpilgjalda.

Viðskiptaráðuneytinu
22. október 2008

http://www.vidskiptaraduneyti.is/frettir/frettatilkynningar/nr/2809

Dagar frekar en vikur

Sérfræðingahópur félagsmálaráðuneytis um verðtryggingarvanda lántakenda, á að koma með álit á einhverjum dögum frekar en vikum.

Vonandi skoða þeir líka vanda fjölskyldna því lántakendur er auðvitað allir.

Monday, October 27, 2008

Guð láti gott á vita

Guð láti gott á vita
Félags- og tryggingamálaráðherra felur sérfræðingum að fjalla um verðtryggingu lána
27.10.2008
Félags- og tryggingamálaráðherra hefur í dag skipað fimm manna sérfræðingahóp sem falið hefur verið að skoða hvort og þá hvaða leiðir séu færar til að bregðast við vanda lántakenda vegna verðtryggingar.

Gylfi Arnbjörnsson, hagfræðingur og formaður Aþýðusambands Íslands, er formaður starfshópsins. Aðrir fulltrúar eru Þorkell Helgason stærðfræðingur, Vilborg Helga Júlíusdóttir hagfræðingur, Edda Rós Karlsdóttir hagfræðingur og Ragnar Önundarson viðskiptafræðingur. Sigríður Ingibjörg Ingadóttir, hagfræðingur í félags- og tryggingamálaráðuneytinu, starfar með hópnum.

Ráðstafanir til að vernda fjölskyldur

Úr grein eftir hagfræðingana Gylfa Zoëga og Jón Daníelsson í mogganum í dag, mánudag 27.okt.
............














Í fyrsta lagi verði sett lög sem tímabundið (t.d. í sex til tólf mánuði) verndi einstaklinga og fyrirtæki í greiðsluerfiðleikum fyrir ágangi kröfuhafa.










............

Sunday, October 26, 2008

"Ég skulda alveg nóg, get ekki meir."

Það var hressandi að heyra í Gunnari Sigurðssyni í Silfrinu:

„Það þarf núna að hugsa núna útfyrir kassann.
Peningakerfið sem við búum við í dag eru tilbúnar reglur, ekki náttúrulögmál. Umræðan um lausnir í dag er eins og á miðöldum, ekkert nýtt. Það á að láta almenning borga brúsann.“

Sjálfvirk lántaka um hver mánaðamót

Verðtrygging virkar eins og sjálfvirk lántaka um hver mánaðamót: verðtrygging bætist við og leggst á höfuðstól.

Frysta verðtryggðu lánin líka

Í Silfrinu stakk nýr forseti ASÍ upp á að:
frysta ætti verðtryggðu lánin, ekki bara gengistryggðu lánin

Hverjum gagnast gjaldþrot almennings?

Egill sagði í Silfrinu áðan: Það getur ekki verið meiningin að gera íslenskan almenning gjaldþrota? Það getur ekki verið að neinn græði á því.

Ætti að breyta skuldsetningu heimilanna svo hún samsvari greiðslugetu?






Úr grein í Morgunblaðinu 21.okt sl. rituð af Robert Z. Aliber sem er professor emeritus við háskólann í Chicago. Hann hefur á löngum ferli rannsakað fjármálakreppur um víða veröld.

Saturday, October 25, 2008

Það er eins og engum þyki vænt um fjölskyldurnar á Íslandi.

Það á að pína fjölskyldurnar til að greiða áfram af verðtryggðu skuldunum sínum. Jóhanna sagði í fyrstu viku október sem dæmi um viðbrögð ríkisstjórnar, að það gæti orðið nauðsynlegt að frysta allar lánagreiðslur heimilanna í 6–8 mánuði. Þetta lýsti fyrir þjóðinni alvarleika málsins. Alvarleikinn er enn til staðar en það eina sem boðið er upp á er skuldbreyting (með aukinni veðsetningu), niðurfellingu stimpilgjalds til áramóta og að flytja myntkörfulán til Íbúðalánasjóðs. Þeir sem lenda í vanskilum eftir áramót fá þá enga ívilnun.

Friday, October 24, 2008

11–Jón forseti trúði því að ef Íslendingar eignuðust háskóla og menntað fólk, þá yrði ekki hægt að selja vörur þrefalt dýrara á Íslandi en í Danmörku

11. Hví er engin umræða í fjölmiðlafræðum og blaðamannafélaginu?


5. Niðurstaða og spurningar
....................
Niðurstaðan af því sem hér hefur verið ritað, og sundurgreint í tölulið 1 til 4, er að alvarlegt þjóðarmein, vaxtaáþján, er látið viðgangast.

En hið grafalvarlega í þessu máli er að meininu er viðhaldið með aðferðum sem benda til þess að veruleg brotalöm sé á íslensku lýðræði, nefnilega skortur á upplýsingum og umræðu.

Eftirtöldum spurningum þarf að svara:

1. Á fyrri hluta tíunda áratugarins, þegar bankar voru einkavæddir, varð gífurleg lækkun á vöxtum í Evrópu, fara þurfti 100 ár aftur í tímann til þess að finna jafn lága vexti. Á sama tíma varð sáralítil vaxtalækkun á Íslandi. Hvers vegna hækkuðu vextir hlutfallslega svo mjög á Íslandi miðað við önnur lönd á þessum tíma?
----------
2. Yfirleitt eru hugsjónafélög lögð niður eða róttækt breytt þegar þau hafa ekki lengur neitt hlutverk og/eða þegar reksturinn gengur illa. Þessi skilyrði voru ekki til staðar þegar Sparisjóðirnir voru einkavæddir. Þvert á móti gékk rekstur þeirra sérdeilis vel, og hlutverk þeirra hafði aldrei verið mikilvægara þar sem bankavextir voru óviðráðanlega háir og sparisjóðirnir gátu lánað á lægri vöxtum (vegna þess að það var mikill tekjuafgangur á rekstri þeirra).
3. Hvað hefur orðið af margboðuðum útreikningunum hagfræðideildar H.Í. af þjóðhagslegum ávinningi útrásarinnar?
----------
4. Hví hafa tölurnar frá Seðlabankanum um stöðuga versnun eignarstöðu Íslands aldrei náð inn í fjölmiðla en sífellt er þjóðinni talin trú um að íslendingar séu að eignast verðmæti erlendis? Hví er engin umræða í fjölmiðlafræðum og blaðamannafélaginu um hvort eignarhald fjölmiðlanna hafi áhrif á skrif um fjármál og vaxtamál?
----------
5. Hver er kostnaður almennings af að hafa íslensku krónuna? Hvað myndi sparast ef almenningur fengi greitt í evrum og hægt væri að taka evrulán án gengisáhættu? Hvað myndi sparast með aukinni verðsamkeppni erlendis frá- og aukinni verðvitund ef evran yrði tekin upp? Hver er hagstjórnarmáttur krónunnar, hver er ágóðinn við að hafa hana og hví er ekki reynt að setja þessar stærðir inn í reiknilíkan?
----------
6. Nú hefur gífurlegum eignum verið komið á fáar hendur á Íslandi, og samkvæmt frjálshyggjukenningum á það að leiða til aukinnar hagsældar alls almennings. Hafa þessar kenningar reynst réttar? Hvað hafa ráðstöfunartekjur aukist mikið þegar tekið hefur verið tillit til greiðslubyrði vegna ofurvaxtanna íslensku?

Tveir dánumenn hefðu orðið verulega vonsviknir ef þeir hefðu frétt af framistöðu Háskólanna á Íslandi í þessum málum, en það eru þeir félagarnir Platón og Jón Sigurðsson. Platón, stofnandi háskóla, var á móti mötun, en hvatti til umræðu og sjálfstæðrar hugsunar. Jón Sigurðsson var á móti verslunareinokun og því að miklu hærra verð þyrfti að greiða fyrir vörur á Íslandi en í Danmörku. Hann trúði því að ef Íslendingar eignuðust eigin háskóla og vel menntað fólk, þá yrði ekki hægt að selja vörur einsog lán þrefalt dýrara á Íslandi en í nágrannalöndunum.

En þar skjátlaðist honum. Menntunarstig þjóðarinnar virðist vera þannig að árum saman er hugmyndin um “Útrás” tuggð upp án þess að nokkur maður, hagfræðingur, fjölmiðlafræðingur, stjórnmálafræðingur, lögfræðingur eða viðskiptafræðingur, hirði um að kanna frumheimildirnar hjá Seðlabanka eða Hagstofu.

Andrés Magnússon, geðlæknir, reyndi að fá þessa grein birta í 5 prentmiðlum í upphafi ársins en var alls staðar hafnað. Greinin er birt í 11 hlutum.

10–Skuldir kr. 34 mill. á heimili síðustu 10 ár.

10. Íslensku bankarnir fá fyrirhafnarlaust 200 milljarða á ári vegna hávaxtastefnu sinnar


4. Höfðað er til þjóðerniskenndar.

....................

Vissulega blandast þjóðerniskennd inn í umræðuna um bankana.

Í fjölmiðlum hefur mátt lesa: “Nú ganga Íslendingar stoltir um götur Kaupmannahafnar, þeir bera höfuðið hátt í hinni fornu höfuðborg ….”.

Og: “Það gerir ekkert til að tapa fyrir Dönum í handbolta, við erum hvort eð er að leggja þá að velli með eignaryfirtöku”.

Yfirhöfuð gerir ekkert til að tapa íbúðinni sinni á nauðungaruppboði bankanna hér heima, bara ef þeir kaupa íbúðir í Danaveldi fyrir ágóðann. Og hin yfirnáttúrulega fjármálasnilli íslendingana skýrist helst af því að þeir eru fæddir Íslendingar.

Yfirburðaeðlið er nátengt hinu séríslenska; áræði, snarræði, þor og gáfum. Okkur hlýnar um hjartarætur, við erum þeir. En því miður er það hér sem endranær, þjóðerniskenndin hefur aðeins nýttst til forheimskan þjóðanna.

Staðreyndin er að íslensku bankarnir fá fyrirhafnarlaust u.þ.b. 200 milljarða á ári upp í hendurnar vegna hávaxtastefnu sinnar, þeir reyna að ávaxta þessa upphæð erlendis en geta það ekki heldur glutra því öllu niður eins og tölurnar frá Seðlabankanum sýna.

Láta mun nærri að skuldir hvers heimilis vegna klaufalegra fjárfestinga íslenskra bankamanna síðustu 10 árin sé 14 miljónir (Tafla 1.). Þar við bætast 2 milljónir á ári vegna vaxtamismunarins, alls kr. 34 mill. per heimili síðustu 10 ár.

Andrés Magnússon, geðlæknir, reyndi að fá þessa grein birta í prentmiðlum í upphafi ársins en var alls staðar hafnað. Greinin er birt í 11 hlutum.

9–Aðeins þriðjungur Íslendinga, sem nú eru að borga af lánum sínum, væru ennþá með húsnæðislán ef vextir í landinu hefðu verið eðlilegir

9. hluti—Fögur er hlíðin.


3. Búin eru til mjög gildishlaðin orð og hugtök sem koma í veg fyrir gagnrýna hugsun og spurningar.

....................
Einn þáttur í áróðursstríði ráðandi aðila til þess að almenningur sætti sig við mannréttindabrot er að búa til ný orð, hugtök og frasa.

Þeir eru hannaðir til þess að réttlæta og kæfa niður andóf og gagnrýna hugsun. Þetta er best þekkt í stríðsáróðri, en kemur fyrir miklu víðar.

Úr samtímanum er t.d. þekkt: “Weapons of mass destruction”, “Axis of evel” og “War on terror”.

Sambærileg orð úr íslenskum samtíma eru: “Íslenska efnahagsundrið”, “Íslenska Efnahagsæfintýrið”, “Hin glæsta íslenska Útrás”, “yfirtaka Íslendinga á erlendum fyrirtækjum” og fleiri. Sérlega áhrifamikið er að höfða til þjóðerniskenndar, enda fékk Gunnar syndafyrirgefningu í 1000 ár fyrir yfirganginn, samningsrofin og lögleysuna með hinum hnitmiðuðu orðum: “Fögur er hlíðin….”

Eins og sýnt var fram á í fyrri hluta þessarar greinar þá eiga orð eins og “Útrás” og “Efnahagsundur” engan rétt á sér, þau eru hreinn skáldskapur.

En þegar þessi orð eru endurtekin nógu oft þá fær þjóðin á tilfinninguna að allt leiki í lyndi og að ekkert sé að íslenska bankakerfinu. Blákaldar staðreyndirnar falla í skuggann en þær eru: Ef Íslendingar hefðu haft sambærileg lánakjör og nágrannaþjóðirnar væru tveir þriðju hluti þeirra búnir að greiða upp lánin sín að fullu með núverandi greiðslubyrði.

Með öðrum orðum; aðeins þriðjungur þeirra íslendinga sem nú eru að borga af lánum sínum væru ennþá með húsnæðislán ef vextir í landinu hefðu verið eðlilegir.

Andrés Magnússon, geðlæknir, reyndi að fá þessa grein birta í prentmiðlum í upphafi ársins en var alls staðar hafnað. Greinin er birt í 11 hlutum.

8–Lágt tekjuskattsþrep á fyrirtæki á Íslandi virtist því ekki duga

8.hluti — "Hin glæsta útrás" í íslenskum fjölmiðlum.

2. Athyglinni er beint frá áþján almennings með því að stöðugt fjalla á mjög jákvæðan hátt um bankana þannig að reiðin beinist ekki gegn þeim.

....................
Svo ekki verði um villst segir skýrsla Daníels Svavarssonar og Péturs Arnars Sigurðssonar orðrétt: “Þrátt fyrir að tekjur af beinum fjárfestingum Íslendinga erlendis séu umtalsverðar hafa þær ekki dugað til að vega upp á móti gjöldum til erlendra aðila af fjárfestingum þeirra í innlendum félögum.”(Bls. 67)

Semsagt, það er innrás í Ísland, hlutlausar hagtölur segja þveröfugt við þá ímynd sem dregin er upp í fjölmiðlum. Það er alvarleg brotalöm á lýðræði. Sérstaklega þegar þess er gætt að þetta er notað til þess að beina athyglinni frá því að drýgsta tekjulind bankanna, og undirstaða sjálfsskammtaðra ofurlauna, er vaxtaáþján á íslenskan almenning. Töluliður 2. að ofan er til staðar.

Margt fleira athyglisvert getur að lesa í skýrslunni. Til dæmis það að þótt skattaumhverfi fyrirtækja sé einstaklega hagstætt á Íslandi þá dugar það ekki íslenskum viðskiptamönnum; (Bls. 68) “Færst hefur í vöxt að íslensk fyrirtæki og einstaklingar færi hlutabréfaeign sína til útlanda beinlínis í því skyni að komast hjá því að greiða skatt af söluhagnaði hlutabréfa.” Og “Lágt tekjuskattsþrep á fyrirtæki á Íslandi virðist því ekki duga”. Það er semsagt ekki nóg að hafa lágt tekjuskattsþrep og borga lítið til samfélagsins heldur vilja þeir alveg komast hjá því að borga nokkurn skapaðann hlut til samfélagsins. Þetta atriði hefur alveg gleymst þegar umræðan geysar um alla þá velsæld sem fjármálamenn færa íslenska þjóðarbúinu.

Andrés Magnússon, geðlæknir, reyndi að fá þessa grein birta í prentmiðlum í upphafi ársins en var alls staðar hafnað. Greinin er birt í 11 hlutum.

7–Voru ofurlaunin möguleg vegna þess að bankamennirnir selja Íslendingum a.m.k. þrefalt dýrari lán heldur en viðskiptavinum sínum erlendis?

7.hluti — "Hin glæsta útrás" í íslenskum fjölmiðlum.

2. Athyglinni er beint frá áþján almennings með því að stöðugt fjalla á mjög jákvæðan hátt um bankana þannig að reiðin beinist ekki gegn þeim.
....................
Á ári hverju þegar skattskráin er birt, rekur fólk í rogastans þegar það sér að íslenskir bankamenn eru með mörg hundruð milljónir í árstekjur. Eitt andartak, eitt brot úr sekúndu tengja menn það við að lánin á Íslandi eru að minnsta kosti þrefallt dýrari en í nágrannalöndunum.

En strax fara að birtast í fjölmiðlum lofgreinar um hversu snjallir íslenskir bankamenn eru, og hversu miklum árangri þeir eru að ná og að þeir eigi þessi laun þess vegna fyllilega skilið.

En ef við yfirgefum um stund glansmyndina sem dregin er upp af bankamönnunum í þeirra eigin fjölmiðlum, og lítum þess í stað á beinharðar tölur frá Seðlabankanum þá birtist allt önnur og dekkri mynd:

Slóðin á heimasíðu Seðlabankans hér að ofan er m.a. inn á skýrsluna: Erlend staða þjóðarbúsins og þáttatekjur eftir Daníel Svavarsson og Pétur Örn Sigurðsson.

Þar getur að lesa orðrétt: Í Bretlandi, líkt og á Íslandi hafa bæði skuldir og eignir þjóðarbúsins vaxið gífurlega á undanförnum árum.

Þrátt fyrir þrálátan viðskiptahalla hefur hrein erlend staða ekki versnað. Skýringin er að ávöxtun erlendra eigna Breta hefur að meðaltali verið 2% hærri en ávöxtun erlendra skulda í Bretlandi. Á Íslandi hefur einnig verið gífurlegur vöxtur í erlendum eignum og skuldum.

Hér hefur hins vegar orðið mikil versnun á erlendri skuldastöðu sem skýrist aðallega af því að íslenskir fjármálamenn hafa ekki kunnað að ávaxta fé sitt erlendis í sama mæli og Bretar. (Einhverra vegna hefur þessi staðreynd ekki ratað í íslenska fjölmiðla). Á meðan viðskiptavit breskra fjármálamanna í erlendum fjárfestingum vegur upp breska viðskiptahallann, þá sýnir mynd 9 í áðurnefndri skýrslu að hrein íslensk eignarstaða versnar hraðar en íslenski viðskiptahallinn.

Ennfremur segir orðrétt í skýrslunni: Bein fjárfesting Bandaríkjamanna erlendis skilar rúmlega tvöfallt hærri ávöxtun en beinar fjárfestingar erlendra aðila í Bandaríkjunum. En hversu miklu hærri ávöxtun skila fjárfestingar íslendinga erlendis miðað við fjárfestingar erlendra aðila á Íslandi? Áðurnefnd skýrsla svarar því: Meðalávöxtun beinna fjárfestinga erlendra aðila á Íslandi var 32,4% árið 2004, 31% 2005 og 23,2% 2006. Meðalávöxtun af beinni fjárfestingu íslenskra aðila erlendis var á sama tíma 7,6%, 13,5% og 9,9% eða u.þ.b. þriðjungur.

Með öðrum orðum, á meðan meðal bandarískur fjárfestir nær helmingi hærri ávöxtun erlendis en erlendir fjárfestar ná í heimalandi hans, nær íslenskur fjárfestir erlendis aðeins einum þriðja af þeirri ávöxtum sem erlendir aðilar ná í hans heimalandi.

Sé þessi mælikvarði notaður (2/1 : 1/3) sést að íslenskir fjármálamenn hafa að meðaltali einn sjötta af viðskiptaviti Bandaríkjamanna.

Réttlætir það ofurlaun bankastjóranna?

Eða eru ofurlaun tilkomin vegna þess að bankamennirnir selja Íslendingum a.m.k. þrefalt dýrari lán heldur en viðskiptavinum sínum erlendis?
Andrés Magnússon, reyndi að fá þessa grein birta í prentmiðlum í upphafi ársins en var alls staðar hafnað. Greinin er birt í 11 hlutum.

6–Engin vitræn umræða í íslenskum fjölmiðlum

6.hluti — "Hin glæsta útrás" í íslenskum fjölmiðlum.

2. Athyglinni er beint frá áþján almennings með því að stöðugt fjalla á mjög jákvæðan hátt um bankana þannig að reiðin beinist ekki gegn þeim.

....................
Ef reynt er leiða hjá sér þá mynd sem dregin er upp af “Hinni glæstu útrás” í fjölmiðlum og þess í staðinn sjónum beint að hlutlausum, beinhörðum hagtölum Seðlabanka Íslands, þá kemur allt önnur mynd í ljós: (sedlabanki.is; Hagtölur; Erlend staða; Tímaraðir-Erlend staða þjóðarbúsins og Erlend staða þjóðarbúsins og þáttatekjur (Peningamál, 2. hefti 2007).

Hið fyrsta sem blasir við er hvernig nettóeignarstaða Íslands hefur þróast síðan “Útrásin” hófst (Tafla 1.)










Tölurnar stækka með hverju árinu og virðast fyrst í stað styrkja kenninguna sem okkur þykir svo vænt um að eignir Íslendinga séu alltaf að aukast, fyrst og fremst vegna kaupa okkar á erlendum eignum og fyrirtækjum.

En svo rekur maður augun í það að mínustala er fyrir framan allar tölurnar. Það er semsé engin útrás í gangi og hefur aldrei verið; það er nær að tala um innrás. Eina útrásin sem virðist hafa átt sér stað er í lánadeildir erlendra stórbankanna.

En “Útrásin” á að hafa verið stórkostleg lyftistöng fyrir íslenskan efnahag. Hér er komin lausn á fjárhagsvanda allra landa: Taka lán erlendis til þess að kaupa eignir erlendis, það er gott fyrir efnahaginn þótt eignirnar séu verðrýrari en lánin, og lánin hækki hraðar en verðgildi eignanna. Það er óþarfi að taka fram að engin vitræn umræða hefur farið fram um þessi mál í íslenskum fjölmiðlum.




























Finnst almenningi umfjöllun íslenskra fjölmiðla um hin “Glæstu uppkaup íslendinga erlendis” vera í samræmi við veruleika súluritsins hér að ofan? Hrein staða Íslands var neikvæð um 122% en hrein staða án áhættufjármagns var nálægt 200% af vergri þjóðarframleiðslu. Aðeins eitt land í heiminum hefur hærri hluta af erlendum fjárfestingum sínum í áhættufjármagni.

Erlendar skuldir innlánsstofnana voru 82% af erlendum skuldum íslendinga. Hin geypilega neikvæða eignarstaða Bandaríkjanna er mikið áhyggjuefni út um allan heim. Hún er þó hreint smáræði miðað við neikvæða eignarstöðu Íslands.

Andrés Magnússon, geðlæknir, reyndi að fá þessa grein birta í 5 prentmiðlum í upphafi ársins en var alls staðar hafnað. Greinin er birt í 11 hlutum.